رجم النايف المطيري

السلام عليكم

***************
رجم النايف المطيري

سلام واستعداد والهجمه من الجيش الحمر=اللي على هتلر وحكم المانيه شر عملـه
يازبن جاك العلم مافيها مطير ولا مفـر=النار تاكل بعضها لن مالقـت ماتاكلـه

***************
زبـــن الــقــاضــــي

يا مرحبا يا قايد الجيش الحمر واخذ الحذر=قدمك جيوش يزلزلون الأرض تحتك زلزلة
يا رجم ما تقدر تشبّ النار في غبّة بحـر=وحكمك على نفسك هذا يا رجم لازم تقبله
***************
رجم النايف المطيري

ترى الوطيس المحتمي شاره لساعات الصفر=يامطير عان الحرب وابواب الحساني مقفلـه
وان رجّع التاريخ نفسـه للزمـان المعتبـر=شوف العظام اللي بساحات الوغا متجلجلـه
***************
زبـــن الــقــاضــــي

إرحم مطير ولا تناديهم علـى قصـم الظهـر=لا تبلش المطران ما ناقـص عليهـم بهذلـه
صدقت فيما قلت يشهد كشب وأطراف الحفـر=اللي سرى منه المطيري ما التفت , على إقبِله
***************
رجم النايف المطيري

فاللي مضى لو تنشد الكرزان والروقي عمر=يمديك يالقاضي تشيب من الفعول الاولـه
حنا مطلّقت النسا يازبن مـن زود الظفـر=واللي سرى تعرفه في وقعة طلال المخذله
***************
زبـــن الــقــاضــــي


نشدتهم قالولي المطران فـي يـوم الحشـر=سروا تحت جنح الظلام من الفعول المذهلـة
لا ينطبق فيك الحديث ( اللي ليا خاصم فجر)=أنا احسب إنّك تعرف التاريخ واثرك تجهله
***************

رجم النايف المطيري

كد قالها راع الحصان اللي مع الوادي حـدر=برتو بهم ياهل الصفوف اللي غدت متحلحله
حنا سلاطين العرب - طال الزمن ولا قصر=عبر السنيـن المقفيـه ولاّ السنيـن المقبلـه
***************

زبـــن الــقــاضــــي


ذكّرتني راع الحصان اللي نقل حمله جبـر=حاول يعيّي مار قالوله شلـه يعنـي شلـه
رمح العتيبي يا مطيري ما يموج عن النحر=يا كمّ مطيري(ن) عتيبة ضيّعوا مستقبلـه
***************
رجــم الــــــــــنــــــــايــــــــف

هذا فلم والمخرج عتيبي من عتيبه ظهر=والفلم والاخراج والتمثيل وعتيبه هله
لولا البحر يمكن ننزحكم ورى دوحة قطر=حتى هديب الشام يمكن مايمرك محمله
**************
زبــــــــــن الــــــــقــاضــي
انته علامك يا مطيري ما انت راضي بالقدر ؟=اللي كتبه إلك القدر ما ينجحد مار اقبله
خيّل خيال الصيف وأمطر وطلعت بنت المطر = وطمْعـَت تشدّد ضلع ثابت ما تغيّر منزله
**************
رجــــــــــــم الـــــنــــــــايــــــــــف
لو ساندك مرزوق والشاعر وصل وابو نجر=لاتنفعل بالهرج وتجيـب الحقيقـه مهملـه
وانا ادري ان البرتكانه تنتهي عقب العصر=في سوقكم ياهل حلبان وسوقكم ياهل الجلـه
**************
زبــــــن الـــــقـــــــــاضـــــــي
اللي حزامه من عتيبة فالملاقا مـا انكسـر=واللي حزامه من مطير , الصبح وانثاه أرملة
حنا ليا منّا لقانـا مطيـري عيونـه حمـر=مع أضيق أبواب العـذاب نطلعـه وندخلـه
**************
رجـــــــــم الـــــــنـــــــــايــــــــــــــف

ثوب العتيبي فاللقا امّـا انفصـخ ولاّ شمـر=واللي مع عتيبه لبس له ثوب ويـن مفصلّـه
وليا لقيت اللون الاحمر في عيوني 0 تحتضر=لين العظام تصير في وسـط القبـر متـحلله
****************
زبـــــــــــــــن الـــــــقــــــــاضـــــــــي
نلبس ثياب العزّ وثويبك مصبّغ بالشجـر=ليا لبسته مشكله وليا فصختـه مشكلـة
أنا ليا شفت الوجيه أعرفك يا وجه الفقر=وجه الفقر واضح وهذا كل ما في المسألة
***************
رجـــــــــــــم الـــنــــــــــايـــــــــــف
الصيف ماخلاّ ولا زملاً يغطيـه الوبـر=الاّ بعيرن تدّرج رجله بوسـط السلسلـه
يومن وجهك يازبن نسخه من وجيه الدهر=العز ماتلقاه لو ينبت على الـراس نخلـه
***************
زبـــــــن الــــــــقــــــــاضــــــي
لعربي ما تفهمـه عسـاك تفهـم يـا بـرذر=وان ما فهمت اللهجتين اقفت عليك المقبلـة
لو إن قلبك يا مطيري صار من صمّ الحجـر=أقوى حصاة (ن) من جبال المهد تفجرها عتلة
*
**